ბოდჰ გაია მაჰაბოდჰი

ბოდჰ გაია

ყოფილი პრინცი სიდჰართა უკვე 6 წელი განდეგილად ცხოვრობდა, სხვა ასკეტ სადჰუებთან ერთად ეწეოდა უკიდურეს ასკეტიზმს ამაო იმედით, რომ ასე შეიტყობდა ჭეშმარიტებას და შეძლებდა არა მარტო საკუთარი თავის, არამედ ყველა ცოცხალი არსების სამსარის ტანჯვიდან ხსნას. თუმცა 6 წლის შემდეგ იგი მიხვდა, რომ ვერცერთი ნაბიჯით ვერ მიუახლობდა საკუთარ მიზანს, მისი ფიზიკური ძალები კი ზღვარზე იყო. მაშინ იგი დათანხვდა გლეხი გოგოს მიერ მოწოდებულ ბრინჯის ჭამაზე. ეს რომ მოძმე ასკეტებმა ნახეს, განუდგნენ სიდჰართას, მათ ჩათვალეს, რომ მან თავი დაანება ძიებას. სიდჰართა დაჯდა ხის ძირას და გადაწყვიტა იქამდე მჯარიყო ღრმა მედიტაციაში, სანამ არ განათლდებოდა. ეს ყველაფერი ქალაქ გაიას მახლობლად მოხდა. ასე იგდა სიდჰართა 7 კვირა ხის ქვეშ, და ზუსტად 49-ე ღამეს, სავსე მთვარობისას მიაღწია მან განათლებას და სიდჰართა გაუტამა გახდა ბუდა შაკიამუნი. მან შეიტყო სამსარის არსი და მისგან გამოსავალი გზა.

DSCN6199
მაჰაბოდჰის ტაძრის გზა.

ბუდამ კიდევ რამდენიმე კვირა გაატარა ამ ადგილას მედიტაციაში, ყოველ კვირას იგი ახალ ადგილს ირჩევდა. მან არ იცოდა ეს ჭეშმარიტებები ესწავლებინა თუ არა სხვებისთვის და როგორ ესწავლებინა.

DSCN6202
მაჰაბოდჰი ტაძარი – ანუ დიდი გამოღვიძების ტაძარი, ააშენა ბუდისტმა იმპერატორმა აშოკამ იმ ხის გვერდზე. დღეს მომლოცველობის ძირითადი ადგილია.

ეს ადგილი ბუდამ უკვე როგორც მასწავლებელმა დატოვა. ჯერ მას საკუთარი მასწავლებლის ნახვა სურდა, მაგრამ შეიტყო, რომ იგი უკვე გარდაიცვალა, მაშინ მან გადაწყვიტა მოძმე ასკეტების მოძებნა და მათთვის ქადაგება და გაემართა სარნათისკენ, რომელიც ქალაქ ვარანასისთანაა.

DSCN6203
ამ ადგილას გაატარა ბუდამ ერთი კვირა, აქედან იგი ბოდჰი ხეს ხედავდა და მედიტირებდა, დღეს აქედან ბოდჰი ხეს მაჰაბოდჰი ტაძარი ფარავს.

DSCN6204
ტაძრის გვერდხედი.


ბოდჰ გაია ბიჰარის შტატში მდებარეობს. ეს შტატი ინდოეთის ერთ-ერთი უღარიბესი და კრიმინალური შტატია. როგორც წესი ადგილობრივი არჩევნების დროს რეკომენდირებული არაა მგზავრობა. ასევე ჯობია თანამგზავრის პოვნა, მარტო აქ ბოდიალი არაა უსაფრთხო. უახლოესი რკინიგზა და დიდი ქალაქი გაია. გაიაში არის აეროპორტიც. ვარანასიდან გაიაში ყოველ დღე რამდენიმე მატარებელია, შეამოწმეთ განრიგი erail.in-ზე. არ გაბედოთ გაიაში გვიან საღამოს, დაბნელების შემდეგ ჩამოსვლა!!! რკინიგზის ბაქანზევე მიხვდებით რატომ. ვარანასიდან მუგალ სარაიმდე არ დაიზაროთ მისვლა თუ კი ცენტრალური სადგურიდან მატარებელი გვიან გადის. მე ორივე გზაზე General ბილეთი ავიღე ბოლო მომენტში. გაიამდე ტამბურში ვიმგზავრე, უკან სლიფერში, პრობლემები არ შემქმნია. თუ რამეა უცხოელს აქვს უფლება შეეშალოს ვაგონი, არაა პრობლემა.

სადგურიდან აიყვანეთ ტუქტუკი და წადით ბოდჰგაიაში. ფასი 150 რუპი. ევაჭრეთ. გაიაში არაფერი არაა სანახავი და რაც ადრე მოშორდებით აქაურობას მით უკეთესი. ბოდჰ გაიაში ბევრი სასტუმროა. მე beauty guesthouse-ში გავჩერდი 500 რუპი ღირდა მშვენიერი ოთახი თავისი სველი წერტილით. მოკლედ ისე დაგეგმეთ ყველაფერი, რომ დაბნელებამდე უკვე სასტუმროში იჯდეთ და რაც შეიძლება ახლოს რესტორანში გადით სავახშმოდ. ეს ის ადგილი არაა სადაც ღამე სეირნობა უსაფრთხო ან სასიამოვნოა.

DSCN6220
ერთი კვირაც ბუდამ ამ პატარა ტბის ცენტრში პაწაწინა კუნძულზე გაატარა მედიტაციაში. წვიმების სეზონი იყო, და წყლიდან კობრა ამოვიდა და შაკიამუნის გადაეფარა თავზე ქოლგასავით.

ბოდჰ გაია მხოლოდ მომლოცველებისთვის საინტერესო ადგილია. თუ ბუდიზმის მიმართ გულგრილი ბრძანდებით, არ გინჩევთ ბიჰარში ჩამოსვლას. ხოლო თუ დაინტერესებული ხართ ბუდიზმით, მაშინ ვერ აუვლით გვერდს ბოდჰ გაიას.

DSCN6208
მთავარი სანახაობა აქ მაჰაბოდჰის ტაძარია, რომელიც იუნესკოს მსოფლიო მემკვიდრეობის ნუსხაშია შეტანილი. ტაძრის უკან იმ ხის შთამომავალი იზრდება, რომლის ქვეშაც ბუდა განათლდა. ტაძარში შესასვლელად მკაცრი უსაფრთხოების შემოწმება უნდა გაიაროთ. ფოტოაპარატის შეტანა ფასიანია და მგონი 100 რუპი ღირდა.

DSCN6209
ტაძარში შესასვლელი.

DSCN6225
ტაძარი ტბიდან.

გარშემო უამრავი მომლოცველი აკეთებს კორას. ისინი ყველა ბუდისტური ქვეყნიდან არიან ჩამოსულები.

DSCN6210
ვიღაც რინპოჩე მოვიდა.

DSCN6211
ეს წმინდა ბოდჰი ხეა. ალბათ მსოფლიოში ყველაზე წმინდა ხე. ის ხე, რომლის ჩრდილშიც იჯდა ბუდა აშოკას ცოლმა მოწამლა ეჭვიანობის ნიადაგზე. საბედნიეროდ მანამდე აშოკამ საკუთარი შვილი გაათხოვა შრი ლანკაში და მზითვათ ხის ყლორტები გაატანა, რომ ახალი რელიგია გაევრცელებინა იქ და ხე დაერგა. სწორედ იქ დარგული ხის თესლი წამოიღეს უკან ბოდჰ გაიაში და დარგეს.

DSCN6213
ხეს ყვავილებს სწირავენ..

DSCN6214
ხე…

DSCN6230
ხის გარშემო ბევრი მლოცველია.

DSCN6231

DSCN6234

კორა

DSCN6215
ისევ კორა

ტაძარში საკმაოდ დიდი დრო გავატარე. მერე გამოვედი რომ სხვა მონასტრები მენახა. აქაც როგორც სარნათში და ლუმბინიში ყველა ბუდისტური ქვეყნის მონასტრებია.

DSCN6237

DSCN6238
ტიბეტური …

DSCN6239
ჩინური ძალიან ლამაზია…

DSCN6241

DSCN6243
ძალიან შთამბეჭდავია ბუტანური… ტიბეტურს ჰგავს მაგრამ უფრო ლამაზია.

DSCN6245
ინტერიერი

DSCN6246
აქ მოხატულობა კი არა კედლის ქანდაკებები აქვთ.

DSCN6247

DSCN6252

DSCN6277

DSCN6282
ტაილანდელებს რამდენიმე მონასტერი აქვთ. ეს ულამაზესი ჯერ მშენებარეა…

DSCN6274
ეს FPMT-ს root ინსტიტუტის სამედიტაციო დარბაზია.

DSCN6286
ესეც ტაილანდური ტაძარია.

DSCN6254
იაპონური ტაძარი.
DSCN6256
ინტერიერი

DSCN6260
ბუდას 80 მეტრიანი ქანდაკება

ეს ტიბეტური მონასტერია, კაგიუს განხრა
DSCN6265

DSCN6266

ბოდჰ გაიაში 2 ღამე და 1 დრული დღე გავატარე. პირველ დღეს დაბნელებამდე დავბინავდი სასტუმროში, მეორე დღე ტაძრების დათვალიერებას დავუთმე, მესამე დღეს დილით ფოტოაპარატის გარეშე წავედი მაჰაბოდჰის ტაძარში და შუა დღეს გაიაში წავედი ტუქტუკით და პირველივე მატარებელს გავყევი ვარანასიში.

DSCN6289
ტაილანდური ტაძრის ინტერიერი.


Posted

in

, ,

by

Comments

Leave a Reply