ჩერნივცი შედარებით პატარა, მაგრამ ძალიან ლამაზი ქალაქია დასავლეთ უკრაინაში. იგი ისტორიული რეგიონის ბუკოვინას დედაქალაქია. ბუკოვინა ავსტრო-უნგრეთის იმპერიის ნაწილი იყო, სწორედ ავსტრიელების პერიოდში აშენდა ეს ქალაქი XVIII საუკუნეში. პირველი მსოფლიო ომის შემდეგ ბუკოვინას რუმინეთი დაეპატრონა, ხოლო მეორე მსოფლიო ომის შემდეგ საბჭოთა კავშირი. ავსტრიული კვალი ამ ქალაქს ნათლად ეტყობა დღესაც.
სანამ ქალაქის შესახებ მოვყვები, უნდა მოვყვე მის მთავარ ღირსშესანიშნაობაზე – უნივერსიტეტზე. თავდაპირველად ეს გრანდიოზული შენობა ბუკოვინის მიტროპოლიტების რეზიდენცია იყო. იგი XIX საუკუნის დასაწყისში აშენდა. შემდეგ აქ სასულიერო სემინარია განთავსდა, ბოლოს კი სემინარიის ბაზაზე ჩამოყალიბდა უნივერსიტეტი. შენობა არა მხოლოდ გარედან, არამედ შიგნიდანაც შედევრია.
წესით და რიგით შენობაში შესვლა მხოლოდ სტუდენტებისთვის შეიძლება. თუმცა ამ დღეს ისეთი საშინელი ამინდი იყო, რომ ტურისტი კი არა ძაღლი არ გაიგდებოდა გარეთ, ამიტომ მე არავინ გამაჩერა და შიგნიდანაც კარგად დავათვალიერე ეს უნიკალური შენობა.
გამიმართლა ეს ულამაზესი აუდიტორია ცარიელი დამხვდა… ცენტრში დიდი ფეჩია.
მოქმედება 3 აპრილს ხდება! აქ კი ასეთი ამინდია! წავედი მთავარ შენობაში.
კიბეებიც შთამბეჭდავია და ჭერიც…
დერეფნები, ვიტრაჟები, კარები…
მეორე დღეს სპეციალურად დავფრუნდი ფასადები უკვე კარგ ამინდში რომ გადამეღო…
შემდეგ უკვე ქალაქზე მოვყვები.
