როგორც თავად ნეპალელები ამბობენ – სვაიამბუ, უცხოელების უმეტესობა კი ვერ იმახსოვრებს ამ რთულ დასახელებას და monkey temple-ს ეძახიან ამ სტუპას. თუმცა ინდოსტანის სუბკონტინენტზე ევროპელებისთვის მაიმუნების ტაძრად როგორც წესი ღმერთი-მაიმუნის – ჰანუმანის ტაძრებია ცნობილი, ცოლო უძველესს ბუდისტურ სტუპას ამ ღმერთთან საერთო არაფერი აქვს, თუმცა მთის ფერდობზე მცხოვრებმა მაიმუნებმა ამის შესახებ არაფერი იციან.
პირველად სვაიამბუს მთაზე შარშან ვიყავი და ამ ადგილის ისტორიაც უკვე მოვყევი. წელს ტამელიდან მთელი გზა ფეხით გავიარე, ავედი ზემოთ.. შარშანდელისგან განსხვავებით ტურისტები არც ისე ბევრნი ვიყავით…
გზად მაიმუნებს მანდარინები დავურიგე…
მკაცრი გაფრთხილება! მააიუნები არ არიან საყვარლები. მათი კბენა ძალიან მტკივნეული და შეიძლება საშიშიც იყოს, კაცმა არ იცის რა ინფექციები აქვთ. თავს ადამიანს მხოლოდ მაშინ ესხმიან თუ კი ადამიანს საჭმელი აქვს ხელში. ამიტომ, როდესაც მაიმუნისგან ჭარბ ყურადღებას გრძნობთ და ხილი გიჭირავთ – გადააგდეთ!
ეს კიბეებიც ავიარე…
სტუპას ორივე მხრიდან კოშკისებრი ტაძარი ჰქონდა… ერთი მთლიანად დაინგრა, მეორე ავარიულია. ასევე 2 მონასტერი იყო, ერთი ისე დაინგრა, რრომ არ მცოდნოდა აქ რა იყო, ვერც ვიფიქრებდი რომ აქ შენობა იდგა, მეორეც დაინგრა..
ეს კი გადარჩა. სტუპაც ეტყობა თავისი მასის გამო უვნებლად გადარჩა.
მაიმუნები ყველგან. უკანა ფონზე ინდუისტური ტაძარია. ნეპალში ინდუიზმია მთავარი რელიგია, ბუდიზმი მეორე, ბუდიზმის და ინდუიზმის მიმდევრებს შესაშური კოაბიტაცია აქვთ, ხოლო ნევარები, კატმანდუს ველის მკვიდრი მოსახლეობა, როგორც წესი ურევს ორიივე რელიგიას ისე, რომ ვინ რისი მიმდევარია ვერც გაიგებ.
დანგრეული მონასტერი, აღდგენას აშკარად არ ექვემდებარება.
ამასობაში კი ახალდაქორწინებულ წყვილს ფოტოსესია აქვს…
მიწისძვრის კვალი
ბუდა ყველაფერს ხედავს…
ქეიფობენ
დედა-შვილი
კატმანდუს ზედხედი
უკან ჩამოსვლისას კიდევ სემხვდა ეს წყვილი
ომ მანი პადმე ჰუმ…
ამ დღეს კუკურ პუჯა იყო. კუკურ ნეპალურად ძაღლია. დივალის მეორე დღე ძაღლებს ეძღვნებათ. ადამიანი მათ მადლობას უხდის ერთგულებისთვის, გემრიელობებს აჭმევს, ტიკას უკეთებენ შუბლზე და ყვავილებს ჰკიდევენ. ამ პროცესს რამდენიმეჯერ შევესწარი სანამ აქ მოვდიოდი და მეც მივიიღე მონაწილეობა.
სთრით ართი…
2 Comments