ჩერნივცი ავსტრიელების ბატონობის პერიოდში აშენებული ქალაქია. იგი არაა დიდი, მაგრამ ძალიან ლამაზია. მას პატარა ვენასაც ეძახდნენ მეტსახელად. მე აქ ორი დღე გავატარე, აქედან პირველი დღე ისეთი იყო, ტურისტი კი არა ძაღლი არ გაიგდებოდა გარეთ, თუმცა მეორე დღეს გამიმართლა ამინდში.
ზედა ფოტოზეა ე.წ. გემი სახლი.
ცენტრალურ ქუჩას პირდაპირ მთავარი ქუჩა ჰქვია. ქალაქი ლვოვივით მოვლილი არაა, თუმცა ავსტრიული შარმი მაინც ეტყობა.
ყავა აქაც უყვართ…
თეატრი. იგი ვენის საოპერო თეატრის მინი ვერსიაა თურმე.
წავედით ცენტრალური მოედნისკენ.
ეს ცისფერი შენობა მერიაა. მერიის წინ კი ზეციური ასეულის ხსოვნის მემორიალია.
ავსტრიელებამდე აქ ცოტა ხანი თურქები ბატონობნენ. მათგან მხოლოდ ჭაა შემორჩენილი თურქულ მოედანზე. ველოსიპედის ძეგლი აქაც აქვთ…
აი ის ჭა
მოედნიდან წავედი და ვიწრო ქუჩაზე ასეთი ულამაზესი შენობა ვნახე… ჩოულებრივი საცხოვრებელი სახლი.
თურქეთის მოედნის ხედი და პატრიოტული გრაფიტი.
ეს კი ცენტრალური მოედნის დეტალებია.
ცენტრში ფეხით სასიარულო ქუჩაა, ძალიან ლამაზი ბევრი კაფეებით და მაღაზიებით.
მოწოდება რუსული პროდუქციის ბოიკოტისკენ.
