Skip to content
myPage
Rusudan Tsiskreli homepage
  • Home
  • My CV
  • Portfolio
  • Web Services
  • ბლოგი
  • წიგნები
TripAdvisorInstagramLinkedinFlickrGoogle+Facebook
  • Home
  • My CV
  • Portfolio
  • Web Services
  • ბლოგი
  • წიგნები

სარნათი – დჰარმის ბორბლის პირველი დატრიალება

Mar292016
buddhismIndia - ინდოეთიtravelსარნათი აშოკას სტუპა

სარნათი ვარანასის გარეუბანია. ოდესღაც აქ ირმები ძოვდნენ ბალახს და სიმპატიური ტყე-პარკი იყო… ეს 2500 წლის წინ, როდესაც განათლებული და გამოღვიძებული ყოფილი პრინცი სიდჰართა მოვიდა აქ და შეხვდა ხუთ ასკეტს, ვისთანაც ერთად იგი 6 წელი ამაოდ ეძებდა განათლებას და ასკეტიზმის უკიდურეს ზომებს მიმართავდა.

ასკეტებმა ყოფილი თანამოაზრე რომ ნახეს, ჯერ არ უნდოდათ მასთან საუბარი… სიდჰართამ ხომ უარი თქვა უკიდურეს ასკეტიზმზე და ცალკე განაგრძო ძიება. მაგრამ, როდესაც შაკიამუნი მათ მოუახლოვდა, ჩამოუჯდნენ, მიართვეს წყალი.
სწორედ აქ წარმოთქვა ბუდამ პირველი ქადაგება, ამცნო ხუთ ასკეტს, რომ მან გამოიღვიძა, განათლდა და აწი აღარაფერია მისთვის დაფარული.
DSCN6020
– არსებობს ორი უკიდურესობა – თქვა ბუდამ – ერთია ცხოვრება ფუფუნებაში, რაც მდაბალია, უაზრო და ფუჭი, მეორეა მკაცრი ასკეტიზმი – მტანჯველი, უაზრო და ფუჭი. ბრძენმა საშუალო გზა უნდა აირჩიოს (დჰარმის ბორბლის პირველი დატრიალების სუტრის არაზუსტი გადმოცემა)

DSCN6022
არსებობს ტანჯვა – დაბადებაა ტანჯვა, სიბერე ტანჯვაა, სიკვდილი ტანჯვაა, სანატრელის არ ქონა ტანჯვაა და არასასიამოვნოსთან კავშირიც ტანჯვაა, ტანჯვაა ყოველი ცვლილება.
არსებობს ტანჯვის საფუძველი – ეს ის ლტოლვაა, რაც საფუძვლად უდევს კვლავ დაბადებას, ლტოლვა სიამოვნების მიღებისა, რომელიც ხან ერთ უკიდურესობისკენ უბიძგებს ადამიანს ხან მეორისკენ, ლტოლვა ყოფნისა ან ლტოლვა არ ყოფნისა.
ტანჯვის შეწყვეტა შესაძლებელია – ტანჯვის საფუძველი ლტოლვა და ვნებებია. ამიტომ ვნებების მართვით და ლტოლვის შეწყვეტით დამარცხდება ტანჯვაც, მიიღწევა განკურნება და გათავისუფლება.
ჭეშმარიტი გზა ტანჯვის შესაწყვეტად არის კეთილშობილი რვასაფეხურიანი გზა: სწორი შეხედულება, სწორი მიმართება, სწორი მეტყველება, სწორი ქცევა, სწორი ცხოვრების წესი, სწორი სიბეჯითე, სწორი განსჯა, სწორი კონცენტრაცია.

DSCN6024
არავითარ სემთხვევაში არ მაქვს ილუზია რომ ოდნავ მაინც სწორად გადმოვედი ამ სუტრის სინაარსი, სამწუხაროდ ქართულად იგი ნათარგმნი არაა და მე არ შემწევს ძალა ეს გავაკეთო. უბრალოდ მინდოდა ძალიან ლაკონურად გადმომეცა ამ წმინდა ადგილზე რა თქვა სიდჰართამ, რა დევს ერთ-ერთი უდიდესი რელიგიის საფუძველში – ეს არის ოთხი ჭეშმარიტება.

DSCN6027
ხუთივე ასკეტმა კი ჩემგან განსხვავებით სრულიად გაიგო სუტრის მნიშვნელობის აზრი და მათაც მიაღწიეს განათლებას.

ეს ყველაფერი 2500 წლის წინ მოხდა, ასე დაიბადა ბუდიზმი.

DSCN6040
ბუდისტ იმპერატორ აშოკას დროს ეს ადგილი გახდა რელიგიური ცენტრი. აშოკამ აქ სტუპა ააშენა, ბევრი მონასტერი და უნივერსიტეტი იყო აქ. შემდეგ მუსულმანთა ბატონობა, სრული სიბნელე და წყვდიადი დადგა ინდოეთში. ბუდიზმი გაქრა ჩრდილოეთ ინდოეთიდან. დღეს აქ არქეოლოგიური გათხრებია, ეს ტერიტორია დახურულია, შესვლა 100 რუპი ღირს. საკმაოდ დიდი ტერიტორიაა არქეოლოგიური ძეგლებით და იგრძნობა ის განსაკუთრებული ძალა.. ბუდას პირველი სიტყვების ძალა, 2500 წლის შემდეგ… აქ უმეტესად მომლოცველები დადიან, სიჩუმე სუფევს, სულ სხვა ატმოსფეროა. შეგიძლია სამედიტაციოთ დაჯდე ბალახზე და გაიხსენო ოთხი კეთილშობილი ჭეშმარიტება…

DSCN6043

არავინ გისლის ხელს… არავითარი გამყიდვლები და მათხორები. წყნარად ფიქრის ადგილია.

DSCN6044
სად თუ არა აქ, ამ წმინდა ადგილას უნდა იფიქრო, გაიხსენო ეს ქადაგება და ეცადო ჩაწვდე მის აზრს…

DSCN6046
აშოკას სტუპას გარშემო სიარულისას…
DSCN6049
უყურო ძველი მონასტრების და ტაძრების ნანგრევებს, ეცადო წარმოიდგინო აქაურო ცხოვრება, როდესაც ბუდიზმი ინდოეთში ყვაოდა.

DSCN6051
ბერები როგორ განიხილავდნენ სუტრებს, წერდნენ და იწერდნენ ბუდას და სხვა განათლებული ბრძენების სიტყვებს.

DSCN6053
ამ ენერგიითა აქ ყოველი ქვა გაჟღენთილი.
DSCN6054

DSCN6058
საათობით შეიძლება ამ ქვებს შორის მედიტირება.

DSCN6064
ბუდამ ამის შემდეგ კიდევ 45 წელი იცხოვრა. იგი დადიოდა სოფლიდან სოფელში, ქალაქიდან ქალაქში და ქადაგებდა. წლების შემდეგ მას უკვე ათასობით მიმდევარი ჰყავდა..

DSCN6065

არქეოლოგიური ტერიტორიის გარეთ თანამედროვე მონასტრებია. რა თქმა უნდა ტაილანდის სამეფო აქაც არ ჩამორჩა და დიდი ბუდას ქანდაკება დადგეს.

DSCN6074
კვარცლბეგზე კი უწმინდესი ადგილებია გამოსახული:

ლუმბინი (ფოტო ცუდი გამოვიდა)

DSCN6072
ბოდჰ გაია – ამაზე გელით მალე პოსტი.

DSCN6073
თავად სარნათი, და ბოლოს კუშინაგარი, სადაც ბუდა გარდაიცვალა. კუშინაგარში არ წავსულვარ.
DSCN6075
დჰარმის ბორბალი და ბუდა.
სადღაც აქვეა არქეოლოგიური მუზეუმი სადაც არ წავედი. მე აქ როგორც მომლოცველი მოვედი და არა როგორც ტურისტი.

DSCN6077
ამ ლოტუსის ყვავილით დავამთავრებ თხრობას.
ვარანასიში ეს უძლიერესი და უწმინდესი ადგილია. მიუხედავად იმისა რამდენად გათვითცნობიერებული ხართ ბუდიზმსი, მოდით აქ.

Category: buddhism, India - ინდოეთი, travelMarch 29, 20161 Comment
Tags: ვარანასი
Share this post

Post navigation

PreviousPrevious post:ვარანასის კალეიდოსკოპი და ჩაძირული ტაძარიNextNext post:განთიადი, განგა და ნავი

Related posts

ისპაჰანი
ისპაჰანი – ქართული კვალი
January 18, 2017
შივა და ბუდა
თეირანი, ორი ჰომეინი და შივა
August 15, 2016
პასპორტი
ირანი პრაქტიკული ინფო
August 15, 2016
თეირანი
ირანი, თეირანი
August 15, 2016
დობი გატი
დამშვიდობება ინდოეთთან – ბომბეი დღეები უკანასკნელნი
August 15, 2016
შივა ელეფანტაში
ელეფანტას კუნძული და გამოქვაბულები
August 14, 2016

Leave a Reply Cancel reply

You must be logged in to post a comment.

  • Svaneti
    Tours in Svaneti, Georgia
    May 11, 2022
  • ისპაჰანი
    ისპაჰანი – ქართული კვალი
    January 18, 2017
  • ტური ნეპალში
    ტური ნეპალში, რა თქმა უნდა დაუვიწყარი
    September 20, 2016
  • შივა და ბუდა
    თეირანი, ორი ჰომეინი და შივა
    August 15, 2016
  • პასპორტი
    ირანი პრაქტიკული ინფო
    August 15, 2016
  • თეირანი
    ირანი, თეირანი
    August 15, 2016
  • Abkhazia(3)
  • buddhism(19)
  • cat(3)
  • Dmitry Tymchuk(44)
  • facebook status(1)
  • Georgia(14)
  • history(9)
  • javakheti(4)
  • just(4)
  • marazm(3)
  • Nepal – ნეპალი(128)
  • politics(12)
  • religion(2)
  • russia(1)
  • samtskhe(6)
  • Svaneti(2)
  • tbilisi(6)
  • tourism(21)
  • travel(207)
  • Ukraine(101)
  • war(17)
  • work(2)
Tags
9 აპრილი 25 თებერვალი Bhaktapur Chirnivtsi Kiev Lviv Mustang Odessa Ukraine travel Визитка Яроша Давид Кипиани აგრა ბოდჰ გაია გოა გოკარნა ვარანასი თეირანი ირანი ისპაჰანი კალი-განდაკი კარნატაკა კატმანდუ კოპანის მონასტერი ლალიტპური ლუმბინი მაჰაბალეშვარი მაჰარაშტრა მუმბაი ნაგარკოტი ოკუპაცია პოჰარა ჩანგუნარაიანი ჩიტვანის ეროვნული პარკი ჯაიპური ჰამპი
250x250
Rusudan Tsiskreli 2015 - 2016 © All rights reserved.  Dream-Theme — truly premium WordPress themes

With Google+ plugin by Geoff Janes