კიევ-პეჩერის ლავრა 1051 წელს იქნა დაფუძნებული და იგი აღმოსავლეთ სლავების სასულერო ცენტრს წარმოადგენს. ლავრა პატარა გორაზეა გაშენებული, დაბლა კი გამოქვაბულებია, სადაც წმინდანების, საეკლესიო მოღვაწეების და სხვა ისტორიული პირების აკლდამებია. ლავრის კომპლექსი უინესკოს მსოფლიო მემკვიდრეობის სიაშია შესული. ტერიტორიაზე რამდენიმე მუზეუმია, მათ შორის უკრაინის საგანძური.
ლავრაში ტურისტული გამოფენიდან წავედი. შესვლა ფასიანია, მგონი 50 ჰრივნა ღირდა. ალაგალაგ ექსკურსიები იყო თუმცა საკმაოდ ცოტა. მეორე მსოფლიო ომის დროს ლავრის კომპლექსი სერიოზულად დაზიანდა და მერე აღადგინეს, ანუ თანამედროვე აქ ბევრია. ცენტრალური ტაძარი მიძინებისაა. გარედან ძალიან შთამბეჭდავი იყო.
ეს ქვა ალბათ ძველი ნაგებობის ფრაგმენტია. ადრე აქ სულ ტყეები ყოფილა, კიევი ცოტა ჩრდილოეთით იყო და ეს მონასტერი ქალაქთან ახლოს, ტყეში დაარსდა. მაგრამ ახლა კიევის ცენტრშია. მიძინების ტაძარში ინტერიერის გადაღება არ შეიძლებოდა. გვერდზე კიდევ ერთი დიდი ტაძარია ბიზანტიურ სტილში. რადგან კომპლექსი გორაზეა, აქედან გადმოსახედია და საკმაოდ კარგი ხედიცაა. გაყოლებაზე კიდევ ერთი მონასტერია, რომელიც კარგად ჩანს…
მიძინების ტაძარი გარედან უფრო შთამბეჭდავი გამოდგა ვიდრე შიგნიდან. შიგნით კი მდიდრულადაა გაკეთებულუი, მაგრამ ისეა სივრცე დაყოფილი, რომ საერთოს არ იგრძნობა რეალური ზომები, ძალიან ვიწრო ჩანს შიგნით. შენდეგ ბიზანტიური სტილის ტაძარში შევედი, რომელიც გაცილებით უფრო საინტერესო გამოდგა, თან ფოტოების გადაღება ნება დართული იყო. აქ სივრცეც კარგად იგრძნობოდა და დიდი გუმბათიც შთამბეჭდავად გამოიყურებოდა. მიძინების ტაძარი კი ლამაზადაა მოხატული, მაგრამ იმდენად ახლახანს, რომ გეგონება საღებავი არაა შემშრალი, საერთოდ არაა სიძველის შეგრძნება. ამ ტაძარში კი აშკარად ძველი მოხატულობაა.
ინტერიერი…
ტაძარს კიდევ ერთი შენობა უერთდება, საიდანაც ლამაზად ჩანს ყველაფერი, თუმცა კარიბჭის ასეთი თავი აფუჭებს კადრებს.
გარეთ გამოვედი, უკრაინის საგანძური ვნახე, და მართლა ღირდა ნახვად. გამოქვაბულებში ჩასვლა დამეზარა. საქართველოს შემდეგ წმინდა ნაწილებისა და წმინდანების გვამების მიმართ ნულოვანი ინტერესი მაქვს…
კიევ-პეჩერის ლავრა მოსკოვის პატრიარქატს ეკუთვნის. ყველაზე შთამბეჭდავი შენობა მგონი სამრეკლო იყო. ამით დამთავრდა ჩემი სეირნობა. ძალიან მშიოდა და თან მეგობარმა გამომიარა.
