სააღდგომო კვერცხების მოხატვა დასავლეთ უკრაინაში.
წინა პოსტში დავწერე, რომ ლვოვში არა მხოლოდ ყავა, არამედ შოკოლადიც უყვართ. მთავარი შოკოლადის ადგილია საამქრო, რომელიც ცენტრთაბნ ახლოს მდებარეობს. აქვე აკეთებენ შოკოლადის კამფეტებს და ფილებს და აქვე ყიდიან. მზადების პროცესის ნაცვაც შეგიძლიათ და პროდუქცია იმდენად მრავალფეროვანია, რომ ნებისმიერ მომხმარებელს დააკმაყოფილებს.
ბერნანდინების ტაძრის გვერდზეა იდეების მუზეუმი. მეპატრონე იგივეა, რაც ჩემი საყვარელი სატრაპეზოსი, იგი თვითონ აკეთებს შუშისგან ამ სასწაულებს. ყიდვაც შეიძლება, ფასები ძალიან მოკრძალებულია.
სარდაფის ნაწილი სატრაპეზოს უკავია, უკან კი საგამოფენო დარბაზია, სადაც სოჭის ოლიმპიადისადმი მიძღვნილი პოსტერების გამოფენა იყო. მომეწონა!
კიდევ შუშის ნაკეთობები. ორი ბაკალი ვიყიდე ამ კოლექციიდან.
ცუდ ამინდში ერთი სული გავს რამეს შეაფარო თავი, კიდევ რამე მუზეუმი ნახო. სწორედ ამიტომ მოვხვდი ამ სასახლეში, სადაც გალიციის მთავრები ცხოვრობდნენ. მუზეუმების დასვენების დღე იყო, ამიტომ მხოლოდ შიდა ეზო დავათვალიერე. სასახლე ბაზრის მოედანზეა. კარგ ამინდში აქ კაფეც მუშაობს როგორც ჩანს, მაგრამ ამ დღეს წვიმდა და ქარი იყო, ასე რომ ღია კაფეში დაჯდომის სურვილი არავის გაუჩნდებოდა, ყველა თბილ დახურულ სივრცეებს აფარებდა თავს.
ბერნანდინების ტაძრის წინ კი სააღდგომო ბაზრობა იყო. დასავლეთ უკრაინაში კვერცხების მოხატვა ნამდვილი ხელოვნებაა. ერთ-ერთ ქალაქში თურმე მოხატული კვერცხების მუზეუმიც კი არსებობს. სამწუხაროა, რომ კვერცხი ადვილად ტყდება და ტრანსპორტირება ასეთ შორ მანძილზე გამორიცხულია.
ბოლო კადრი შოკოლადის საამქრის მაღაზიიდან.
