მაჰარაშტრაში გამოქვაბულებში ნაკვეთი ტაძრები არა მხოლოდ აჯანტა და ელორაა, ბომბეიდან ყველაზე ხელმისაწვდომია ელეფანტას კუნძულის გამოქვაბულები, კუნძული ბომბეის ყურეში მდებარეობს და მისვლა კატერით შეიძლება. კატერები ყოველ ნახევარ საათში გადიან ინდოეთის კარიბჭის მიმდებარე ტერიტორიიდან. დილით განსაკუთრებით ხალხმრავლობაა აქ.
ხედი ჩემი ფანჯრიდან. გამოძინებულმა ვისაუზმე და წავედი …
ბომბეის ყურე.
ტაჯ მაჰალი სასტუმრო დილით ადრე..
კატერზე მალევე მოვხვდი, დავიკავე კარგი პოზიცია და დავიწყე გადაღება.
ბომბეი ხედი ყურიდან. ისე აქედან გამოჩნდა, რომ ქალაქს მკვრივი ნაცრისფერი ღრუბელი ფარავს, ჰაერის დაბინძურება. კიდევ კარგი ყველა მხრიდან ზღვა შედარებით ანეიტრალებს დაბინძურებას.
ბომბეის პორტი
თოლიების მთელი ქარავანი მოგსდევდა.
და ესეც ელეფანტას კუნძული. კუნძული საკმაოდ პატარაა.
კუნძულის ცენტრში კი კლდეში ნაკვეთი ინდუისტური ტაძრებია, რომლებიც VII საუკუნით თარიღდება. ყველაზე მნიშვნელოვანი პირველი გამოქვაბულია, დანარჩენები მცირე სალოცავებია. კუნძულზე ასევე ბუდისტური სალოცავებიც იყო.
ბარელიეფების სტილი ელორას ინდუისტურ ნაწილს ძალიან ჰგავს.
დარბაზი ძალიან დიდია სვეტებით, შთამბეჭდავი სივრცეა.
ალტარში შივას ცნობილი, სამ თავიანი ქანდაკებაა.
სივრცე.
ალტარში რა თქმა უნდა ლინგამი უნდა იყოს.
შივა ლინგამი
როგორც ვთქვი დანარჩენი გამოქვაბულები მხოლოდ მცირე სალოცავებია და ასე გამოიყურება
ხეების ფოთლებით თუ მიხვდები რომ ზამთარია სინამდვილეში… თორემ მაგრად ცხელოდა.
უკან რომ მოვდიოდი ამ ქალმა დამიწყო პოზიორობა. ფოტო რომ გადავიღე ფული მომთხოვა. მე უარი ვუთხარი, რადგან მე არ მითხოვია არაფერი.
პირსისკენ გზაში სუვენირებში მივხარჯე რაც ფული მქონდა. პირსთან ასეთი აბრა დამხვდა
რაც ინდოეთში ძალიან ცინიკურად გამოიყურება.
დავჯექი კატერზე და წამოვედი უკან ბომბეიში.
სიმართლე რომ ვთქვათ, აჯანტას და ელორას შემდეგ ელეფანტას ნახვა მოვალეობის მოხდა იყო და არა აუცილებლობა. თუ კი აჯანტა და ელორა არა გაქვთ ნანახი მაშინ ელეფანტა ძალიან შთამბეჭდავია.
კიდევ არის რაღაც ბუდისტური გამოქვაბულები სანჯაი განდის სახელობის ეროვნულ პარკში – ბომბეის ჩრდილოეთ ნაწილში, მაგრამ იქ წასვლის სურვილი და თავი აღარ მქონდა.
