Skip to content
myPage
Rusudan Tsiskreli homepage
  • Home
  • My CV
  • Portfolio
  • Web Services
  • ბლოგი
  • წიგნები
TripAdvisorInstagramLinkedinFlickrGoogle+Facebook
  • Home
  • My CV
  • Portfolio
  • Web Services
  • ბლოგი
  • წიგნები

დამშვიდობება კატმანდუსთან

Mar182016
Nepal - ნეპალიtravelკატმანდუ

შეუძლებელია კატმანდუმ ვინმე გულგრილი დატოვოს. ამ ქალაქის აღწერაც ძნელია სიტყვებით, ძველი ქალაქის ვიწრო ქუჩები, ფერების ქაოსი, ხმების კაკაფონია, არომატული ჯოხების სუნების ქაოსი… არ შემეძლო აქედან ისე წასვლა, ბოლო დღეს რომ არ შემომევლო ჩემი საყვარელი ქუჩები და მოედნები. მახსოვს ოდესღაც, როდესაც ჯერ კიდევ უცხო იყო ეს ქალაქი ჩემთვის, როგორ ჩამითრია თავის აუჩქარებელ ფერად რითმში, ახლა კიდე უკვე კარგად ნაცნობი, საყვარელი. ძველი ქალაქის ქუჩებში ხეტიალი, მის ბაზრებზე ნელა გასეირნება, დინების მიყოლა, სადმე ჩამოჯდომა და ცივი წვენის ან ცხელი ჩაის დალევა. მიყვარს ეს ქალაქი. როდესაც რამდენიმე დღე მიყოლებით ვჩერდები აქ, მღლის, გაქცევა მინდა. გავრბივარ. მერე ვბრუნდები და ისევ სიამოვნებით ვერთვები ამ ჭრელ და არომატულ რითმში. ეს ჩემი ბოლო დღე იყო კატმანდუში, ხვალ დილით ავტოსადგურზე უნდა წავიდე, საიდანაც ავტობუსი ნეპალის სამხრეთ-დასავლეთში, სასაზღვრო ქალაქ ბაირავაში ჩამიყვანს. დღეს კი ბოლო დღე მაქვს, რომ დავემშვიდობო კატმანდუს, ვუთხრა როგორ მიყვარს და მომენატრება ეს დაკლაკნილი, ხალხმრავალი, ფერადი ქუჩები.

DSCN5500

DSCN5503
ქალი ფანჯრიდან იყურება…

DSCN5505
ყველა გზა დურბარის მოედნისკენ მიდის.უკვე შევეჩვიე ასეთ დურბარს, მიწისძვრისგან პირამიდებად ქცეულ პაგოდებს…

აქ უსიამოვნება შემემთხვა. ვერ დავინახე ბარიერი და ფეხი წამოვკარი, მთელ სიგრძეზე გავიშხლართე. როგორც საღამოს გაირკვა ფეხიც ვიღრძე. ხალხი შემომეხვია გარშემო, დავჯექი, აზრზე მოვედი. იქაური გიდი მომადგა, დახმარება შემომთავაზა, უარი ვუთხარი, ცოტა ხანი ვისაუბრეთ. როდესაც ვთქვი, რომ ნეპალში მეორეჯერ ვარ და კატმანდუ კარგად ვიცი, ანუ არ მჭირდება მისი მომსახურება, დაიწყო ლაპარაკი როგორი იყო მიწისძვრამდე ეს დიდებული მოედანი, მეც დავეთანხმე. ცოტა ხანი ვიგლოვეთ დაკარგული ტაძრები და გზა განვაგრძე. ჰანუმან დოკაზე ცოტა ხალხი იყო და ძალიან ბევრი მტრედი.

DSCN5565

DSCN5570

DSCN5576

რა კარგია ეს ადგილი რომ დაინდო სტიქიამ…

DSCN5582

DSCN5589
მე ბოლო დღეს კატმანდუში…

DSCN5593
დურბარის მოედანი. პარვატის ტაძრის წინ, ფანჩატურის ქვეშ გოგოებს ვიშნუზე ათხოვებენ.

DSCN5594
მეფის სასახლე ძლიერ დაზიანდა…

DSCN5595
ორნამენტები სასახლეზე.

აქ კიდევ ერთი რამ შემემთხვა. ჩამოვჯექი დასასვენებლად. მერე გავუყევი ფრიკ სთრითს და მივხვდი რომ ფოტოაპარატი აღარ მაქვს. სწრაფად გამოვბრუნდი უკან და დავინახე დაბალი, ასაკიანი კაცი მომდევს ჩემი ფოტოაპარატით. დიდი მადლობა გადავუხადე პატიოსან კაცს და გავნაგრძე გზა.

DSCN5597
ფრიკ სთრითი, ასევე ცნობილია როგორც ჰიპების ქუჩა. მასიური ტურიზმი ნეპალში 60-ანი წლების ბოლოს დაიწყო, როდესაც ევროპიდან ჰიპებმა დაიწყეს აზიისკენ მიგრაცია, ინდოეთში ზოგი გოაში მიდიოდა, ზოგიც ჩრდილოეთით აგრძელებდა გზას ნეპალისკენ. კატმანდუში ეს ქუჩა აირჩიეს და აქ სახლდებოდნენ. მაშინ ტურიზმის ცენტრი აქ იყო და არა ტამელზე. იმ დროს აქ ღიად იყიდებოდა ჰაშიში და მარიხუანა, რაც ნეპალში არალეგალური მხოლოდ 90-ან წლებში გახდა. დღეს უკვე სხვა სიტუაციაა აქ. რამდენიმე იაფი გესთჰაუსი, რესტორნებშიც ფასები უფრო ლმობიერია ვიდრე ტამელზე… სხვა მხრივ კი არ გამოირჩევა კატმანდუს სხვა ქუჩებისგან.

DSCN5598
ქუჩის ბოლო.

DSCN5599

DSCN5601
ექვსქიმიანი ვარლსკვავი ინდუიზმში სიბრძნის სიმბოლოა.

DSCN5603

ძალიან ლამაზი ფანჯრები.

DSCN5605
ეს პაგოდა სამხრეთ კატმანდუში სამწუხაროდ არ მქონდა ადრე ნანახი…

DSCN5607

DSCN5608

DSCN5609

DSCN5610
კიდევ ულამაზესი ფანჯრები…

DSCN5611

დეკორი

DSCN5613
კასთამანდაპი – კატმანდუს სიმბოლო, ერთი ხისგან აშენებული ტაძარი – ქარვასლა, XII საუკუნის ძეგლი… 2015 წლის აპრილამდე ყველაზე ძველი შენობა კატმანდუში… სამწუხაროდ მისგან არაფერი აღარ დარჩა…

DSCN5616
ინდრა ჩოვკი…

DSCN5617

რიქშები

DSCN5619
ასეთია ძველი კატმანდუ…

DSCN5620
სალამურების გამყიდველი…

როგორ დავემშვიდობებოდი ამ ქალაქს ჩემი საყვარელი ტაძრის არ ნახვის გარეშე?

DSCN5621
ამ ტაძარზე არაერთხელ დავწერე უკვე.. ნევარული ბუდისტური ტაძარი კატმანდუში.

DSCN5623
სრულიად არანეპალური ქანდაკება

DSCN5626
ბუდა… მიწისძვრა აქაურობასაც დაეტყო, მაგრამ ტაძარი საბედნიეროდ გადარჩა.

DSCN5627

ფასადი

DSCN5629

DSCN5631
ავალოკიტეშვარა.

DSCN5633

შესასვლელი.

ასე დამთავრდა ბოლო დღის სეირნობა. საღამოს კომპანში გაცნობილი მეგობრები ვნახე და გვიანობამდე ტამელზე ვერთობოდით.
მეორე დილას კი კატმანდუ დავტოვე…

Category: Nepal - ნეპალი, travelMarch 18, 2016Leave a comment
Tags: კატმანდუ
Share this post

Post navigation

PreviousPrevious post:ლუმბინი – ბუდა დაიბადა ნეპალშიNextNext post:ქორწინება ვიშნუსთან

Related posts

ისპაჰანი
ისპაჰანი – ქართული კვალი
January 18, 2017
ტური ნეპალში
ტური ნეპალში, რა თქმა უნდა დაუვიწყარი
September 20, 2016
შივა და ბუდა
თეირანი, ორი ჰომეინი და შივა
August 15, 2016
პასპორტი
ირანი პრაქტიკული ინფო
August 15, 2016
თეირანი
ირანი, თეირანი
August 15, 2016
დობი გატი
დამშვიდობება ინდოეთთან – ბომბეი დღეები უკანასკნელნი
August 15, 2016

Leave a Reply Cancel reply

  • ისპაჰანი
    ისპაჰანი – ქართული კვალი
    January 18, 2017
  • ტური ნეპალში
    ტური ნეპალში, რა თქმა უნდა დაუვიწყარი
    September 20, 2016
  • შივა და ბუდა
    თეირანი, ორი ჰომეინი და შივა
    August 15, 2016
  • პასპორტი
    ირანი პრაქტიკული ინფო
    August 15, 2016
  • თეირანი
    ირანი, თეირანი
    August 15, 2016
  • დობი გატი
    დამშვიდობება ინდოეთთან – ბომბეი დღეები უკანასკნელნი
    August 15, 2016
Subscribe to Blog via Email

Enter your email address to subscribe to this blog and receive notifications of new posts by email.

Join 5,156 other subscribers

  • Abkhazia(3)
  • buddhism(19)
  • cat(3)
  • Dmitry Tymchuk(44)
  • facebook status(1)
  • Georgia(14)
  • history(9)
  • javakheti(4)
  • just(4)
  • marazm(3)
  • Nepal – ნეპალი(128)
  • politics(12)
  • religion(2)
  • russia(1)
  • samtskhe(6)
  • Svaneti(2)
  • tbilisi(6)
  • tourism(21)
  • travel(207)
  • Ukraine(101)
  • war(17)
  • work(2)
Tags
9 აპრილი 25 თებერვალი Bhaktapur Chirnivtsi Kiev Lviv Mustang Odessa Ukraine travel Визитка Яроша Давид Кипиани აგრა ბოდჰ გაია გოა გოკარნა ვარანასი თეირანი ირანი ისპაჰანი კალი-განდაკი კარნატაკა კატმანდუ კოპანის მონასტერი ლალიტპური ლუმბინი მაჰაბალეშვარი მაჰარაშტრა მუმბაი ნაგარკოტი ოკუპაცია პოჰარა ჩანგუნარაიანი ჩიტვანის ეროვნული პარკი ჯაიპური ჰამპი
250x250
Rusudan Tsiskreli 2015 - 2016 © All rights reserved.  Dream-Theme — truly premium WordPress themes

With Google+ plugin by Geoff Janes