კიევში ყველაზე კოლორიტული და ლამაზი ქუჩა ანდრეას დაღმართია. იგი აერთებს ქალაქის ზედა უბნებს პოდოლთან. ქუჩის სახელი დაკავშირებულია XVIII საუკუნეში აშენებულ წმ. ანდრეა პირველწოდებულის ეკლესიასთან, რომელიც დღესაც ქუჩის მთავარი ღირშესანიშნაობაა. თვითონ დაღმართი კი ქუჩა-მუზეუმია, კიევის ერთ-ერთი ყველაზე მნიშვნელოვანი ტურისტული ღირსშესანიშნაობა.
დაღმართზე სუვენირები იყიდება…. ტრადიციულიც და თანამედროვეც.
ეკლესია გორაზეა, თუმცა როგორც მითხრეს ეს გორა დამეწყრილია ეკლესიას კი სარემონტო სამუშაოები უტარდება ამიტომ დაკეტილია. სამწუხაროდ ამ ეკლესიაში ვერ მოვხვდი, არა და გარედან ძალიან ლამაზია. ტაძრის არქიტექტორი იტალიელი ბარტოლომეო რასტრელია. იგი 1754 წელს იყო აშენებული. ქანდაკება კი თანამედრვეა და რომელიღაც ფილმის პერსონაჟები არიან.
ხოჭო და ეკლესია კიდევ ერთი რაკურსით.
2011-2012 წლებში დაღმართის მნიშვნელოვანი ნაწილი გაარემონტეს. ახლა ეს ასე გამოიყურება. ამ დაღმართზე უცნმაური სახლია, რომელსაც რიჩარდ ლომგულის ციხესიმაგრეს უწოდებენ. თუმცა არც რიჩარდ ლომგულთან, არც ინგლისთან მას არავითარი კავშირი არ აქვს. როგორც წავიკითხე, ამ შენობას სავენტილაციო სისტემის დეფექტი აქვს და ქარის დროს უცნაურ ხმებს გამოსცემს, რაც ადრე ძალიან აშინებდა მეზობლებს.
ხედები ტაძრის ქვედა მხრიდან…
ადრე კიევში ძირითადად ხის სახლები იყო. ანდრეა პირველწოდებულის დაღმართზე კი პირველი სართულები ქვისგან იყო, მეორე ხისგან. დღეს ასეთი სახლები თითქმის არ შემორჩა.
ისევ რიჩარდ ლომგულის ციხესიმაგრე 🙂 ხედი ქვემოდან.
დაბლა დავეშვით და წმ. სოფიოს ტაძრის გუმბათებიც გამოჩნდა. ხოლო დაღმართის 13 ნომერში ცხოვრობდა ცნობილი მწერალი მიხეილ ბულგაკოვი. აქ ძეგლის დგას და მუზეუმიცაა. თუმცა მუზეუმი დაკეტილი დაგვხვდა, ეტყობა უყკვე გვიანი იყო.
მუზეუმის კარები… აქ უკვე მთავრდება დაღმართი და იწყება პოდოლი, სადაც სამწუხაროდ ცოტაა ძველი შენობები შემორჩენილი…
გეტმანი…
